Ўйин мақсади:
Иложи борича кўпроқ антоним сифатларни таништириш ва эслаб қолиш.
Грамматика: to be шакллари, сифатларнинг қиёсий даражаси.
Мос лексика: ҳайвонлар номлари.
Ўйиннинг бориши:
Ўқитувчи сифатларни имо-ишоралар билан айтади. Ўқувчилар имо ишоралар билан сифатларни такрорлашади ва сифатнинг маъносини топишади.
Big, small, short, tall, short (иккала қўл кўрсатгич, ўрта ва бош бармоқлари бирлаштирилган бўлади, сўнг қўллар ҳудди қўлимизда қисқа арқон бордек икки ёнга ажралади), long (илк ҳолат ўша ўша, аммо қўллар икки ёнга максимал тарзда ёйилади, ҳудди қўлимизда узун арқон бордек), kind (меҳрибон чеҳра), angry (дарғазаб чеҳра), sad (йиғлашга тайёрланаётган чеҳра), happy (жилмаётган чеҳра), merry (кулаётган чеҳра), quiet (кўрсатгич бармоқ лабларга яқинлаштирилади), noisy (столни қўллар билан ноғора қиламиз), dirty (енгимиздаги чангни қоқамиз ва уни артиб бўлгач енгимизни кўрсатамиз) — clean; clever (қўлимизни жиддий қараш билан бошимизга қўямиз), silly (бармоғимизни чаккамизда айлантирамиз), fast (айлана бўйлаб тез югуришни кўрсатамиз), slow (айлана бўйлаб секин ҳаракатланамиз), sly (айёрона боқамиз), honest (қўлимизни юракка қўямиз), good (бошимизни силаймиз), bad (ўзимизни шапатилаймиз), thin (қўлларни танамизга ёпиштириб турамиз, ҳудди кафтимиз танани сиқаётгандек), fat (қўллар билан катта қоринни кўрсатамиз), helpful (полни супурамиз, идишларни ювамиз, кирларни юваётганимизни кўрсатамиз), lazy (стол суянчиғига суяниб ўитириб оламиз).
Ажратилган вақт: 3 дақ.
Бир нечта дарсдан кейин, болалар сифатларни яхши ўзлаштиргач, ўйиннинг иккинчи қисмига ўтиш мумкин. Болалар икки гуруҳга бўлинади. А гуруҳ ўйинчилари у ёки бу сифатни намойиш қилишади, Б гуруҳ иштирокчилари бўлса уларни топишади, сўнг аксинча Б кўрсатади А топади.
Ажратилган вақт: 5 дақ.
Якуний ўйин антонимлар ўйини бўлиши лозим. А гуруҳ ўйинчиси ўрганилган сифатлардан ҳоҳлаганини айтади, Б гуруҳ ўйинчиси бўлса, унинг антонимини айтиши керак.
A l: Kind.
В 1: Angry. Quiet,
А 2: Noisy. Dirty.
В 2: Clean. Slow ва ҳ.к.
Ажратилган вақт: 5-7 дақ.