Mamlakatimiz umumiy oʻrta taʼlim maktablarida 2021-2022 oʻquv yilining 3-choragi oʻz yakuniga yetib bormoqda.
Vazirlar Mahkamasi qaroriga koʻra tasdiqlangan Nizomga muvofiq maktablarda bahorgi taʼtil 2022-yilning 21-mart kunidan boshlanib, 2022-yilning 27-mart kuni yakunlanishi kerak.
20-mart kuni yakshanbaga toʻgʻri kelayotganligi uchun, maktablarda 20-mart kuni emas, balki 19-mart kuni 3-chorakning oxirgi dars kuni, 28-mart kuni esa 4-chorakning birinchi dars kuni boʻladi.
Vazirlar Mahkamasining 2017-yilda tegishli qarori bilan tasdiqlangan Nizomga muvofiq, maktablarda taʼtil kunlari quyidagicha belgilangan:
- kuzgi taʼtil — 4-noyabrdan boshlab 6 kalendar kun
- qishki taʼtil — 28-dekabrdan boshlab 14 kalendar kun;
- bahorgi taʼtil — 21-martdan boshlab 7 kalendar kun;
- oxirgi bosqichli nazorat sinovi oʻtkazilgan kundan (bosqichli nazorat oʻtkazilmaydigan sinflar uchun oʻquv yili tugagan kundan keyingi kundan) boshlab 1-sentyabrgacha.
1 sinf oʻquvchilari uchun fevral oyi davomida qoʻshimcha bir haftalik taʼtil belgilanadi.
Bayram kuniga toʻgʻri kelib, qoldirilgan mavzular ixchamlashtirilgan (tigʻizlashtirilgan) holda oʻtiladi va jurnalga yoziladi.